Маска фотогреј INGCO 006 AHM006

INGCO AHM006 е врвната маска во понудата и разликата се гледа веднаш: полето на гледање е 100×67mm — речиси двојно поголемо од стандардните 90×35mm кај основните маски. Кога се заварува долг шев или се работи во тесен агол, поголемото поле значи дека не мора постојано да ја местите главата.

Има четири сензори за лак наместо вообичаените два, што практично значи дека маската нема да „промаши" палење кога рацете или материјалот го засенуваат едниот сензор — типичен проблем при заварување во агол или под маса. Оптичката класа е 1/1/1/1, највисоката можна по четирите критериуми, така што сликата е чиста и без изобличување.

Затемнувањето е двоопсежно: DIN 5-9 за сечење и DIN 9-13 за заварување, со безстепена регулација однатре, како и регулација на чувствителноста и на задоцнувањето. Преминот од светло во темно е под 0.04ms, а работи со ТИГ од само 2 ампери — доволно ниско за фина работа со тенок лим и алуминиум. Има и режим за брусење.

Се напојува од соларен панел со две заменливи CR2032 литиумски батерии. UV/IR заштитата DIN 16 е постојана и дејствува и кога филтерот е светол.